Floppy Disk Drive (FDD)

___________
Floppy Disk Drive uu cabbirkiisu yahay 3.5" oo la sawiray isagoo marna kumbiyuutarka ku rakiban (bidix) marna keligii gaar loo soo furay(midig)

Sida aan ku soo aragnay casharka 3-aad, Floppy Disk Drive-ku waa halka kumbiyuutarka laga geliyo cajaladda yar ee kumbiyuutarka lagu isticmaalo loona yaqaan "Floppy Disk" ama Diskette, waxaana astaan u ah xarafka A:. Floppy Disk Drive-ka oo loo soo gaabiyo FDD wuxuu ku dhex dhisan yahay santuukha kumbiyuutarka wuxuuna ka mid yahay qaybaha asaasiga ah ee kumbiyuutarka ilaa waagii la soo saaray la socday, marka laga reebo in yar oo ka mid ah kumbiyuutarrada yar yar ee gacanta lagu qaato (Portable Computers) oo la iibiyo iyaga oo aan FDD lahayn.

Baaxadda iyo cabbirka Floppy Disk-ga

Sida Hard Disk-ga ayaa baaxadda Floppy Disk-ga waxaa lagu cabbiraa Byte, KB (kilobyte) iyo MB (megabyte). Haddaad u baahan tahay faahfaahin dheeraad ah oo ku saabsan cabirradaas iyo waxa ay kala yihiin fadlan fiiri Casharka 14-aad gaar ahaan qaybta "Baaxadda Hard Disk-ga".
Diskette-yadii ugu horreeyey aad ayay u waa weynaayeen cabbirkooduna wuxuu ahaa 8 inch (8") oo u dhaganta 20.32 cm, baaxaddooduna waxay ahayd 360 KB. Muddo ka dib waxaa soo baxay diskette-yo uu cabbirkoodu ahaa 5.25 inch (5.25") oo u dhiganta 13.34 cm. Diskette-yadaas mudo dheer ayaa la isticmaalayay waxayna lahaayeen baaxadaha kala ah: 160 KB, 320 KB iyo 1.2 MB. Muddo aan sidaa u sii fogayn ayay shirkadaha kumbiyuutarrada sameeyaa joojiyeen samaynta FDD-yada iyo diskette-ya uu cabirkoodu yahay 5,25, sidaa darteed waxaa laga yaabaa in aad aragto kumbiyuutarro duq ah wata FDD noocaan ah.

Diskette uu cabbirkiisu yahay 3.5"

1987-kii ayaa waxaa soo baxay nooc uu cabirkiisu yahay 3.5 inch (3.5") oo u dhaganta 8.89 cm. Noocaan oo ah nooca ilaa iyo maanta la isticmaalo wuxuu u kala baxaa saddex nooc oo xagga baaxadda ku kala duwan. Saddexdaas noo waxay kala yihiin: 720 MB, 1.44 MB iyo 2.88 MB.
Labada nooc ee ay baaxaddoodu kala tahay 720 MB iyo 2.88 MB inta badan lama helo oo suuqa way ku yar yihiin, waxaase aad loo isticmaalaa oo kumbiyuutar kasta la socda nooca ay baaxaddiisu tahay 1.44 MB.

Labada nooc ee uu cabbirkoodu kala yahay 5.25" iyo 3.5" way isa soo gaareen, intii muddo ahna waxaa la soo saari jiray kumbiyuutarro wata labo FDD oo uu cabirkoodu kala ahaa 3.5" iyo 5.25". Haddaad u fiirsato xarfaha astaan ahaan u taagan Hard Disk-ga, Diskette-ka, CD-ROM-ka iwm, waxaad arkaysaa inay kala yihiin A:, C:, D:, E: iwm. Haddaad arrintaas mar labaad u sii fiirsato waxaad arkaysaa in laga booday xarafka B: oo waxaa laga yaabaa in aadan marna arkin qayb ay astaan u tahay B:. Xarafkaas waxaa loo daayay oo loo isticmaali jiray FDD-ka labaad. Laakiin markii FDD-ka uu cabirkiisu ahaa 5.25" uu suuqa ka baxay ayuu xarafka B: banaanaaday ilaa iyo maantana waxba looma isticmaalo, maadaama kumbiyuutarrada maanta la isticmaalaa ay inta badan wataan hal FDD oo uu cabirkiisu yahay 3.5". Laakiin qofkii doonaya inuu kumbiyuutarkiisa ku isticmaalo labo FDD oo uu cabbirkoodu kala duwan yahay ama isku mid yahay wuxuu xarafka B: u isticmaali karaa mid ka mid ah labadaas FDD. Markaa labada FDD midka noqonaya A: iyo midka noqonaya B: waxay ku xiran tahay hadba afka ay kaga xirmaan fiilada xiriirisa FDD-ka iyo kumbiyuutarka intiisa kale. Fiiladaasi waxay sida caadiga ah leedahay laba af oo u kala taagan A: iyo B:.
Casharkeenna inta ka hartay waxaan uga hadli doonnaa nooca 3.5"-ga ah.

Muhiimadda Floppy Disk Drive-ka

Kumbiyuutarradii ugu horreeyey ee uu noocoodu ahaa PC-gu ma aysan lahayn Hard Disk waxayse lahaayeen FDD, dhammaan akhbaarta uu kumbiyuutarku u baahdo inuu kaydiyana wuxuu ku kaydin jiray Floppy Disk (Diskette). Xilligaas wuxuu FDD-ku ahaa qayb aad u muhiim ah oo la'aanteed uusan kumbiyuutarku qiimo badan lahaan jirin ama uu isticmaalkiisu aad u adkaa. Dawrka FDD-ku wuxuu hoos u dhacay markii uu Hard Disk-gu soo baxay ee uu la wareegay kaalinta 1-aad ee hawsha kaydinta akhbaarta iyo program-yada kumbiyuutarka ku jira. Markaa Taasi waxay keentay in FDD-ku uu soo galo kaalinta 2-aad hawshiisu ay isgu soo ururto qodobada kala ah: akhbaar u kala gudbinta kumbiyuutarrada (File Copy) iyo program-yada cusub ee kumbiyuutarka la geliyo (software installation). Markii uu CD-ROM-ku soo baxay islamarkaana baaxadda program-yada kumbiyuutarka la geliyaa ay sare u kacday ayaa waxaa dhacday in FDD-ka xataa kaalintii 2-aad lagu qabsado oo CD-ROM-ka ayaa la wareegay in badan oo ka mid ah hawsha program gelinta kumbiyuutarka (Software Installation). Maanta dawrka FDD-ka iyo diskette-yadaba aad ayuu hoos ugu dhacay, waxaase weli loo isticmaalaa hawlaha ay ka mid yihiin:

1. Akhbaar u kala gudbinta kumbiyuutarrada (File Copy)
   Habka ugu fudud ee akhbaar aan baaxaddeedu weynayn loogu kala gudbiyo laba kumbiyuutar waa iyadoo diskette la adeegsado. Taas waxaa aad u sii caawinaya iyadoo dhammaan kumbiyuutarrada PC-ga ah ee maanta la adeegsadaa ay leeyihiin FDD isku dhismo ah isku sina u shaqeeya. Taasi waxay keenaysaa in wixii akhbaar ah ee aad diskette ku koobiyayso aad ku kalsoonaan karto in kumbiyuutar kastaa uu akhbaartaas diskette-ka kala soo bixi karo. Waxaa xataa jirta in in badan oo ka mid ah kumbiyuutarrada uu noocoodu yahay Macintosh-ka iyo xataa kuwa UNIX-kuba ay diskette ka soo akhrin karaan akhbaar uu kumbiyuutar PC ahi ku kaydiyay, taasoo diskette-yada ka dhigaysa hab fudud oo akhaarta loogu kala gudbin karo kumbiyuutarro sidaa u kala duwan.
   
2. Kaydinta iyo xafidaadda akhbaaraha yar yar ee muhiimka ah (Backup)
   Qoraallada muhiimka ah iyo akhbaaraha kale ee aan baaxaddoodu weynayn waxaa inta badan lagu kaydsadaa diskette, si haddii kumbyuutarka ay wax ku dhacaan oo akhbaartaasi ay si uun u lunto loogu baxsado koobiga diskette-ka ku jira. Waxaase dhici karta in diskette-ka laftiisu uu kharribmo ama uu xataa lumo, sidaa darteed waa muhiim in si gaar ah loo xannaaneeyo diskette-yada lagu kaydiyo akhbaaraha muhiimka ah.
   
3. Kumbiyuutar gelinta program-yada ka shaqaysiiya qaar ka mid ah qalabka kumbiyuutarka lagu xiriiryo (Driver installation)
   Qaar ka mid ah qalabka kumbiyuutarka lagu xiriiriyo ayaa weli waxay adeegsadaan diskette-yo si ay kumbiyuutarka u geliyaan program-yada la socda ee qalabkaas ka shaqaysiiya. Qalabkaas waxaa ka mid ah Modem-yada, qaar ka mid ah Monitor-rada, qaar ka mid ah daabaceyaasha (Printers) iwm. Waxaase qalabka kumbiyutarka lagu xiriiriyo intooda badan la socda CD-ROM hawshaas loo adeegsado.

Dhismaha Floppy Disk Drive-ka

FDD-ku wuxuu xagga dhismaha shabbahaa Hard Disk-ga inkastoo halka uu Hard Disk-gu ka isticmaalo Platers isaga ku dhex dhisan, FDD-ku uu isticmaalo Diskette dibedda ka ah oo markii loo baahdo la geliyo, diskette-kaas oo uu ku dhex jiro saxan jilicsan oo u dhigma Platers-ka Hard Disk-ga (fiiri sawirka hoose).

Floppy Disk la kala furay oo qolofkiisii (bidix) iyo saxankiisii (midig) la is garab dhigay

Xagga dhismaha FDD-ku wuxuu ka kooban yahay qaybaha ay ka mid yihiin:

1. Heads (Read/Write)
2. Head Actuator
3. Spindle Motor
4. Connectors

Qaybahaas ayaan halkaan mid mid ugu soo qaadan doonnaa.

1. Heads (Read/Write)

   Heads-ka FDD-ku waxay sida kuwa Hard Disk-ga hawshoodu tahay inay waxna ku qoraan waxna ka soo akhriyaan Diskette-ka markaa ku jira FDD-ka. Heads-ka FDD-ku waxay si toos u taabtaan oo ay ku dhagaan saxanka diskette-ka ay wax ku qorayaan ama ay wax ka soo akhrinayaan, halka Heads-ka Hard Disk-gu ay kor uga yara kacsan yihiin oo aysan taaban Platters-ka. Taasna waxaa u sabab ah saxanka diskette-ka oo aad uga jilicsan Platters-ka Hard Disk-ga iyo xawaaraha FDD-ku uu ku wareego oo aad uga hooseeya kan Hard Disk-ga, taasoo keenaysa in Heads-ka FDD-ku aysan xoqin oo aysan dhibaato u geysan saxanka Diskette-ka. Si kastaba ha ahaatee waxaa dhacda in istaabashada Heads-ka iyo saxanka diskette-ku ay muddo ka dib keento in qashin ku samaysmo afka Heads-ka taasina ay keento in Heads-ku aysan u shaqayn sidii loogu tala galay, waxayna markaa u baahanayaan in la nadiifiyo.
   Saxanka diskette-yada maanta la isticmaalaa wuxuu sida Platters-ka Hard Disk-ga leeyahay laba dhanac oo wax looga qoro, sidaa darteed wuxuu FDD-ku leeyahay laba Head oo uu midba dhanac uga dhago saxanka diskette-ka (Fiiri sawirka Heads-ka ee Casharka 15-aad)

2. Head Actuator

   Head Actuator-ku waa qaybta dhaqaajisa Heads-ka oo geysa hadba Track-ga la rabo in wax lagu qoro ama wax laga soo akhriyo. Head Actuator-ka FDD-ku aad ayuu u gaabiyaa marka la garab dhigo Head Actuator-ka Hard Disk-ga, taasina waxay ka mid tahay arrimaha keena in FDD-ku uu guud ahaan aad uga gaabiyo Hard Disk-ga.

3. Spindle Motor
   
   Spindle Motor-ku waa qaybta wareejisa saxanka Diskette-ka markaa ku jira FDD-ka. Marka diskette la geliyo FDD-ka waxaa saxanka diskette-ka xagga hoose ka qabta ilko ku rakiban Spindle Motor-ka, ka dibna Spindle Motor-ka ayaa wareegta isagoo saxanka diskette-kuna uu markaa la wareeganayo. Xawaaraha uu Spindle Motor-ka FDD-ku uu ku wareegaa waa 300 RPM (Revolutions Per Minute) oo u taagan daqiiqaddiiba 300 oo wareeg. Taasi aad ayay uga gaabisaa xawaaraha uu ku wareego Spindle-ka Hard Disk-ga oo u dhexeeyo 4200 RPM ilaa 15000 RPM. Sidaa darteed xawaaraha Spindle Motor-ka FDD-ku wuu isguna ka mid yahay arrimaha keena in xawaaraha FDD-ku uu aad u gaabiyo. Si kastaba ha ahaatee xawaaraha gaabiya ee Spindle Motor-ka ayaa suurto geliya in Heads-ku ay taabtaan ama ku dhagaan saxanka Diskette-ka ay wax ka akhrinayaan iyagoo aan xoqin oo aan dhaawac u geysan.
   
   
4. Connectors
   
   FDD-ka waxaa ku xirma oo kumbiyuutarka ku xiriiriya laba fiilo oo kala ah:
   
   • Power Connector oo ah fiilada uu FDD-ku korontada ka qaato.
     
     _____
     
     Fiilada uu FDD-ku korontada ka qaataa waxay u kala baxdaa laba nooc oo ku kala duwan afka ay FDD-ka ka galaan (Fiiri sawirka kore). Nooca hore ee ka muuqda sawirka bidixe wuxuu la mid yahay fiilada uu Hard Disk-gu korontada ka qaato waxaana isticmaala FDD-yada duqa ah. Nooca labaad oo isna ka muuqda sawirka midige, cabbir ahaan wuu ka yar yahay nooca kale, FDD-yada maanta la isticmaalo intooda badanna noocaan ayay isticmaalaan.
     
     
   • Data interface Cable
     
     Fiilada labaad ee FDD-ka ku xiranta waa fiilada akhbaarta u kala gudbisa FDD-ka iyo kumbiyuutarka intiisa kale. Fiiladaasi waxay u eg tahay fiilada Hard Disk-ga akhbaarta u gudbisa ee aan ku soo aragnay Casharka 15-aad wayse ka yara dhuuban tahay.

Floppy Disk Drive-ku guud ahaan aad ayuu u gaabiyaa, baaxadda diskette-yaduna aad ayay u yar tahay oo wax badan ma qaadaan. Intaa waxaa sii dheer Diskette-yada oo aan adkaysi badan lahayn si fududna ku kharribma. Boorka, qashinka, taabasha faraha iwm ayaa diskette-yada kharriba, taasoo keeni karta in akhbaarta aad Diskette ku kaydsato aad ka soo akhrisan weydo markaad u baahato oo lagu yiraahdo diskette-ka wax lagama akhrin karo. Sidaa darteed waxaa muhiim ah in Diskette-yada ay kuugu kaydsan tahay akhbaarta muhiimka ah aad si gaar ah u xannaanayso oo aad ka ilaaliso wixii keeni kara inay kharribmaan.
Haddii uu Diskette kaa kharribmo waxaad Diskette-ka marisaa program-ka ScanDisk ee la socda Windows oo aad ka helayso Start => Programs => Accessories => System Tools. ScanDisk waxaa loogu tala galay inuu badbaadiyo wixii akhbaar ah ee ku jira Disk-yada dhaawacma, inkastoo ay dhacdo in mararka qaarkood uu hawshaas ku guul darraysto.

Casharkaanna halkaas ayaan ku joojinaynaa. Casharka xiga waxaan hadduu rabbi idmo ku soo qaadan doonnaa CD-ROM-ka.

Copyright © 2000 Somali Software. All rights reserved. www.somalisoftware.com

Waxaad tahay akhristihii 10657-aad laga soo bilaabo 2002-03-24

Casharkii Hore | SomaliSoftware.com | Casharka Xiga

Fikradda akhristeyaasha casharkaan

Magaca	Fikradda Akhristaha
2008.11.02 Lowdhako Ireland	Asalaamu caleykum wr wb. salaanta islamka ka dib walaalaha sameeyey website kan aad iyo aad baan uga helanay ugana faa ii deysanay allaah ha idinka abaal mariyo waxtarkaa aad noo soo bandhigteen casharada tirada badan ee qiimaha leh jazaka allaahu kheyran . halkaas ka sii wada. su'ashaydu waxaa aytahay adinko igarali ahanaya walaalayal maxaad ugu sodriwaysen casharada JAVA iyo CISCO oo ad sidaso kale uso tafatirteen? waad kumahad santihiin dhamaan sida aad isugu howsheen casharkaas iyo dhamaan kuwa kale oo aad sowadanba.
2008.09.15 maxamed United States	aniga oo ah wiil somaliyeed jecel inuu barto soft ware waxaaan u baahn aya in la iii faaahfaahiyo sida aaan u badala lihaaaaaa vcdaaan ugu digan lahaaa computerkeyga dvd ha la i caawiyo casharadaaan waaan ka helay
2008.09.15 maxamed United States	asc
2008.08.03 axmed Kenya	aad iyo aad ayaad oogu madahsantihin waxa aad u qabteen dadkiina dadka sameyey webkan
2008.06.21 hassan a/laahi Somalia	habalyo waxan idinka habalyenaayaa barnamishaka internedka oo lugu kordhiye af somaliyeed in aad balaariseen ok bey magaceyga waa xasan ilkacase
2008.06.21 sahra canshuur abtow Somalia	marka hore waxaad gudoontaan salaanta muslimka ay wadaagaan marka xiga waxaan idiinku habalyeeynayaa barnaamijkaan oo ah ka baro alada enternaaydka qaasatan wabsaadhka somalisoftware waxaan iidiin leeyahy habalyo
2008.06.04 Rashid Karshe United Kingdom	Many, many thanks for all your efforts and dedication to put this programme together, and specially in our own language. I was wondering why I haven't seen this on any other Somali website. Well done to you and may Allah reward you greatly in the hereafter. Best wishes. Rashid Karshe. rashid@medecho.com
2008.05.09 c/qadir xasan gooni Somalia	a/c dhalinyaradda sida hagar la'aanta ah u diyaarisay barnaamijkan qiimaha ugu fadhiya dhamaaan dadka soomaaliyeed, kuna qoran af -somali aan filaayana sida aan ugu faaideystay in dhalin badan ay sidaas oo kale ugu faa i dayso
2007.11.22 cabdikariin xaaji mahamed South Africa	walaalayaal waad ku mahad santihin sida baaxada leh aad isugu howsheen barnaamijkaan wax barashada fudud ah aniga waa markii ugu horeeysay aan furo web kaan tan kale waxaan idunku baraarujihaa in aad kor usii talaabsataan oo barnaamijyo live ah aad sameeysaan si jiilka cusub ee soomaalda eey wax uga faa iideeystaan waadna mahad santihiin inti isku hoowshay barnaamijkaan all
2007.11.09 xareed Kenya	thanks walaalayaa ma iigu soohagaajin kartiin e,mailkayga cashar walba oo baxa e.mailkayga waa xareed1234@hotmail.com
2007.05.23 intisar sulieman Somalia	Asalaamu calaykum salaan kadib aad ayaa u mahadsan tihiin aqoontaa aad walaalihiin aduunka ku kala baahsan u fidiseen aakhiro iyo aduunkana ilaahay xasanaad ha idinka siiyo
2007.03.09 BLAH United States	what language is this?
2006.12.13 xasan cabdilahi jamac Somalia	mahad sanidin
2006.09.10 guuleed xasan kaarshe Somalia	waxaan dadka akhristayaasha ka codsanayaa inaan halka loogu talagalay in loogu mahad celiyo dadkii hawshan qabtay aanay ku badalin cay iyo aflagaado ka reeban saxaafada iyo dhaqanka suuban waxaan ka codasanyaa dadka alkhrisayaasha inay wixii faaiido dheeraad ah ee ku saabsan tan bogan la iisoo diro idinkoo ciwaanadan hoos ku qoran isticmaalaya by guuleed xasan kaarshe kaarshe144@gmail.com kaarshe144@hotmail.com kaarshe144@myway.com
2006.09.10 guuleed xasan kaarshe Somalia	assalaamu calykum walaalayaal waxaan idiinku ducaynayaa in ilaahay dadaalka aad soomaali oo dhan aqoontiina ugu deeqdeen isuguna hawsheen inuu idinka abaal mariyo walaalayaal waxaan bahda somali software inay wixii aad is leedihiin dadku waa ka wada dharagsan yahay ee ku saabsan computer ka iyo axwaashiisa aad aniga si khaas ah iigu soo dirtaan waxana ugu badan soft ware inta la isku yidhaado iyo hard ware ka ionat ka dhiman inta halkan ku qoran wabillaahi towfiiq by kaarshe@gmail.com
2006.07.26 cabdirixmaan maxamuud Somalia	waxaan hayaa fikrad fiican oo ah in aan sifiican uakh riyay waraaqda [aad iyo aad baaidiin mahad celinayaa} Wabillahi tawfiiq walaalayaal
2006.05.31 khadar cawaale cabdi Somalia	flopy disk noocyada ugu fiican isheega walaayaal waxaa kaloo aan idin weydinayaa csharo kale oo ku saabsan software makudari kartaan
2006.05.22 nuur United Kingdom	waad mahadsan tihin 100 kiiba boqol dadaalka sii wada nur_ali@mail.co.uk
2006.04.20 ismaaciil maxamedrashiid Aadan Canada	I am so galad to see like this programe concerning acomputer terminology, I wanna say those people who prepaid this knowledge anad even interpreted in to our mother toung, i would like to say, U try to do More and more what U R doing know. thank U my Alla with U guys
2006.04.20 maxamed c/rashiid xaaji Kenya	waxaan aad iyo aad ugu faraxsanahay in aan helno barnaamijyo noocaan oo kale ah, oo inoo sahlaya barashada computerada ayadoo waliba naloogu fasiray luqadeena soomaaliga ah, kolley waxaan leeyahay dadka soo qaban qaabiayay baranaamijkaan aadka uu xisaha badan waad mahadsantihiin. maxamed22@hotmail,com
2006.04.06 maxamuud jaamac sahal Somalia	walaal a yaal waligay waan idiin mahad celin doonayaa walaala yaal runtii aad ayaad noogu faa idayseen walaalayaal mida kale aan maanta idinka codsanaya waxay tahay waxaan aad uga danbeeyaa maadada la yidhaahdo mathamatics ama maths walaal yaal maadaadaa oo aad u faah san naga soo dhaadhiciya maadaama walaalayaal aad joogtaan meelihii aduuntyada ugu wax barashada wanaag sanaa walaal
2006.04.06 maxamuud jaamac sahal Somalia	walaal a yaal waligay waan idiin mahad celin doonayaa walaala yaal runtii aad ayaad noogu faa idayseen walaalayaal mida kale aan maanta idinka codsanaya waxay tahay waxaan aad uga danbeeyaa maadada la yidhaahdo mathamatics ama maths walaal yaal maadaadaa oo aad u faah san naga soo dhaadhiciya maadaama walaalayaal aad joogtaan meelihii aduuntyada ugu wax barashada wanaag sanaa walaal
2006.03.12 xasan cilmi guure Somalia	WWW.wanaag aad nosamayseen run ahaatiihalakn lagama soo koobikaro ilaahbaa idinkaa abaal marinaya laakiin waqtibadan ayaa loobaahanyahay waxaana ookale sida lguqorayo (WEBSITE-kaan) diinta ilaahay iyo waqtiga salaada ogaada yeysan idin mashquulin aduunyo ilay yurub walagu gaalooba lacag iyo aduun balaga fikiraa walaala yaal waad mahad santihiin diintana hadayicinina iantaad aduun kafikiraysaan Wacalykuma salaan waraaxmatulaahi wabarakaatuhu (guure34@hotmail.com)
2006.02.28 fadxi Somalia	aad iyo aad ayaad imahadasantihiin soo bandhiga aad noosoo ban dhigteen casharada. ee hanaga daalina soowada idinka oo mahad san
2005.06.25 xaafid axmed maxmed Somalia	aniga oo ah akhris tayaasha wab baj kan aad baana iduun ku mahaad celi nayaa dhamaan tiin xaafid_@hotmail.com
2005.06.21 qamar shiiraar Somalia	walaal waxaan marlabad idinkugu hamabalyeeynayaa fikrada fiican ood noo kenteen madaama aad tihiin dad soomaaliyeed oo aad ufiican waxaan rabaaa inan barta soft ware programs ee fadlan iisoo sheego sida oogu sahlan aan kubarankara maadaamaa aan hada kuguda jira barashadaas ayna igu adagtahay waxaadna iigu soo hagaajisaan qamareey1@hotmail.com
2005.06.21 qamar shiirar Somalia	walalayaal waad mahadsantihiin aad ayaad umahadsantihiin
2005.03.16 Liban mohamed Syria	aad ayaad ugu mahad santihiin sida fiican ee noogu soo gudbisaan casharada
2004.12.04 cabdoumagid India	walaal waa mahadsantihiim dhamantiin intaan barmaamijka sooo saarteen waxan idin leeyahay sii wada halkaas wayo dad badan ayaa ka faa idiisatay waxan ku dartaan waxkasa sawirkiisa sida ku caalamka oo kale lakiin waad wanaagsantihiin ilaahay ajar ha idin ka siiyo walaal
2004.12.04 cabdoumagid India	walaal waa mahadsantihiim dhamantiin intaan barmaamijka sooo saarteen waxan idin leeyahay sii wada halkaas wayo dad badan ayaa ka faa idiisatay waxan ku dartaan waxkasa sawirkiisa sida ku caalamka oo kale lakiin waad wanaagsantihiin ilaahay ajar ha idin ka siiyo walaal
2004.11.29 cabdi fataax aadan jaamac xiiqsane Finland	walaalayaal aad aad u mahadsan tihiin sida fiican aad wax u soo diyaariseen walaale ,marka waa saas
2004.11.01 mukhtaar Ali Omer Angola	aad ayaad ugu mahad santihiin sida fiican ee noogu soo gudbisaan casharada
2004.08.17 hudhaa United Kingdom	a/s/c walaal marka hore salaanta muslinka ah marka xigta walaalayaal hadii aan fikradayda ka dhiibto waxaa oron lahaa waa fursada aad umuhiim ah oo qofkasta oo danayna in uu coputerka barto ufududayna kara in uu si fudud ku barto sidaas iyo nabad galyo
2004.08.17 faysal Somalia	marka hore salaanta muslinka marka xigta hadii aan ra yigayga ka dhiibto anigu run ahaantii waxaa barnaamijkaan u arkaa mid hormar u leh dhalinyarada somaaliyeed meel kasta oo ay joogaan waayo wuxuu ku qoran yahay afkaagii hooyo wuxuuna kuu fududaynayaa fahamkii iyo akhriskii marka waxaaa leeyahay qof kasta oo dhalinyara ah ha faa iidaysto fursadaan dahabiga ah ee kusoo martay sidaas iyo nabad galyo a/s/c/ faysalcabdi88@hotmail.com
2004.05.08 maxamed deeq Belgium	aniga waxaan raba in aan o gaado sida page ka loo dhiso maadaam aana aqoon u lahay aana ka mid ahay dadka page marwalbo soo booqdo ma o gaan karaa oo wax faala ah malayga siikaraa adinkoo raali ah waxaana layga helaa emailkan deeqow1@hotmail.com ----asalaamu calaykum waraxmatu laahi wabarakaatuhu
2004.04.10 sanbuuus Somalia	fadlanigu soo hagaajiya cinwaankeey ga oo ah sanbuus2
2003.12.07 Abdinasir Kenya	suaashan iiga soo jawaaba walaalayaal hadii waqtigu idiin saamaxo hadii uu shaqeyn waayo floppy drive ka isaga oo active ka ah BIOS ka cable laduna ay si sax ah ugu jiraan floppy drive kuna wanaagsan yahay cilada xagee bay ka jirtaa
2003.11.08 c/laahi maxamuud xirsi (neyruus43@hotmail.com United States	waxaan aad iyo aad ugu mahad celinyaa walaalaheena i noogu deeqay waxbarashada dhanka computerka dhab ahaantii waa dad juhdi ku bixiyay sidi ay walaala hooda soomaaliyeed ee burburku ku habsaday hurumar u gaadhsiinlahaayeen ku dadaalay waxaan oronlahaa dhab ahaanti aadbaa looga aqristaa wadankan aan joogo casharada aad bixisaan ku dadaala sidi aad u sii wadai lahaydeen s/c by nayruus cade
2003.10.19 xasan556@hotmail.com Somalia	marka ugu horraysa illaahay ayaa mahad leh marka labaad waxan u mahad celinayaa bahda somali software waxaan jeclaan lahaa inaan waydiiyo su'aal ,su'aashaas oo ah cajalad cd,ga drive a cabirkiisu ugu waynyahay waa imisa
2003.08.13 mahad Botan United Kingdom	salaan kadib saaxibayaal marka hore waad salaamantiihin salaan kadib. waad mahadsantihiin balse waxaan idinkula dar daarmayaa inaydaanka caajisin sida macaan ee aad halkan wax u soo galisaan waayo dhalin yaro badan oo somaliyeed ayaa ka faa'idaysta waxaa aad meesha ku soo qortaan iyo webside kiinaba markaa waxaan jeclaan lahaa in aad sii balaarisaan ama wax ka badan waxaad soo galisaan in aad soo galisaan oo ah qoraal iyo computerka sawiradiisa labadaba waxaana filayaa mustaqbalka danbe in aad see wasicin doontan hormar wayn ayeyna taasi samaynaysaa oo macno wayn ugu fadhiya umada somaliyeed. thank you
2003.07.19 mustafe axmed haybe Somalia	waxaan idinka codsanaynaa in aad ku soo dartaan powersupply-ka iyo noocyadisa. Jawaab: Walaal casharrada ku saabsan dhismaha kumbiyuutarka waa kuwo taxne ah oo qaybaha kumbiyuutarka hadba qayb lagu soo qaato. Qaybahaas waxaan u soo kala hor marinaynaa sida aan u aragno inay isu leeyihiin una kala muhiimsan yihiin. Waxaan ka billawnay santuukha kumbiyuutarka iyo qaybaha ku dhex jira, iyaga ayaanan weli ku jirnaa. Qaybta Power Supply-ga oo ka mid ah qaybaha ku jira santuukha kumbiyuutarka waxaan hadduu rabbi idmo uga hadli doonnaa casharka 24-aad. Waad mahadsan tahay. Somali Software.
2003.06.01 fartuun axmed ibraahim Somalia	walaalyaal aaad iyo aad ayaad umahad santihiin sida fiican ood noo rali galisaae waxaana dhihi lahaa in aat iyo in ka dadaal badan by fartuun cadey
2003.06.01 ismahaan Somalia	walaal yaal waad mahad san tihiin sida fiican ood oogu saha sheen wax barashada wanagsan waadna mahasan tihin mar labaad by
2003.05.21 c/qaaliq yassin abdi diiriye ali Azerbaijan	a/c waxaan hal kaan kasalaamayaa walaalahayga ku diyaariye luuqada afka hooyo bacdi salaanwaxaan urajeeyneynaa jano alidiiriyeabdi asalaamucaleeykum
2003.01.29 sharmaarke gallan Somalia	Waad mahadsantihiin madaama aad hindisteen in aad soo saartaan barnaamijkaan qiimaha leh waana idiin mahad celinaynaa anaga oo ka mid ah dhalinyarada barata Hardwareka oo kunool wadankooda hooyo anaga oo ka joogna Dawlad G/ptland Caasumada Boosaaso Mahadsanidiin
2003.01.17 Sayidcali xuseen Barbados	Walaayaal idiin ma dhahaayo waa mahadsan tihiin balse waxaad u faa'iidayseen walaalahiina idiinkala socdo internetka oo aad kaga faa'iidayseen wixii aad dhaantee marka ilaahay ajar ha idiinka siiyo.
2003.01.08 cali gaab Somalia	walaalayaal waad mahadasan tihiin waxbarashada lacag la'aanta ah ee aad noo soo bandhigteen waxaan fikradeyda ka dhiiban lahaaain barnaamijkaan lagu soo kordhiyo cilad bixinta kumbiyuutarka waad mahadasan tihiin
2002.11.16 abdulkadir farah doodi Ethiopia	salaamu calaykum walaal waxad aad ugu mahad santihiin sida wanaagsan ee aad noogu soo habayseen nooguna fududeeseen howshan balaran ee aad qabateen ilaahay ha idinka abaal siiyo salaamu calaykum
2002.10.07 gooye Estonia	mahad sanidiin
2002.07.05 FADUMO AHMAD ALI Aruba	HADAAN JEEDIYO FIKRADDEEDA AAD AYAAN ULA DHACAY SIDA USOO GODBIYEEN WALAALAHA QEEMAHA IYO QAAYAHA BADAN CILMEGOODA KUSAABSAN XAGA COMBIYUUTARKA WAX BADANA WAAN KA FAAIDAYSANAY JASAKUMULAAHU QEERAN
2002.06.25 Ahmed Mohamed Hassan Saudi Arabia	Asalamu Calaykum Waraxmatullahi Wabarakatuhu. Marka hore waxaa mahad is kaleh allaha awooda badan ee suurogeliyay howshan muhiimka ah, marka xigta waxaan mahad u celinayaa labada dhalinyaro (Mahdi & Shirre) ee waqtigooda qaaliga ah u lumiyay sidii ay ugu faa'iideyn lahaayeen walaalahooda soomaaliyeed xagga Cilmiga Computer. Walaalayaal (Shirre & Mahdi) run ahaantii waan ka faa'iidnay boggan internetka waxaana idiinka rajeynaynaa inaad sii kordhin doontaan dadaalkiina ee aadnaan noqon kuwii ugu horeeyay iyo kuwii ugu dambeeyay ee cilmigan oo kale soo bandhiga, dhalinyarada kale ee soomaaliyeedna ee aniga ka mid ahayna ka codsanayaa inay idiinku daysadaan oo ay soo bandhigaan waxa ay cilmiga u leeyihiin si soomaalida oo dhan ay isaga faa'iideysato. Waad mahadsan tiihiin illaahna ajar iyo xasanaad ha idiinka siiyo
2002.05.14 Nasro Abdullahi Sweden	walaalayaal ugu horeentii waan idin salaamay waxaan idinku salaamay salaanta ugu qiimaha iyo qaayaha badan Asalaamu caleekum warxmatulaahi wabarakaatuhu salaan kadib walaalayaal waxaan rabay in aan idin waydiiyo in aad qorteen Databashantering oo soomali ku qoran haduu jiro iyo waxaan rabay boga uu ku qoranyahay mahadsinidiin
2002.05.04 Jamaal Cali Max'ed Saudi Arabia	Bismilaah, ugu horeyn waxaan mahdinayaa Allahiii idin waa fajiyay fikradan, tan xigta Mahad & shire oo aan si loogu mahad noqo aan lagaranayn Allaha idinka abaal siiyo wax ka weyn oo aan idin dhihi lahaa majirto run ahaantii aniga wax weyn ayaan ka faa'ideystay marnaamijkan dadkalena uga faa'ideeyay, waxaan idinka rajeynayaa in aad noo sii wadaan Allaha idinka abaal siiyo aamiin
2002.04.18 khaliif abdullahi United States	waad na caawiseen waxaadnah qabateen shaqo aan cidnah sugeyin ilaah ha idinka abaalmariyo.wax kasii badan intaan banu idinka rajeyinneynaa.thank u
2002.04.13 Bashir Switzerland	Marka hore waad salaaman tihiin dhamaantiin,salaanta kabacdi waxaad diyaariseen Casharo aad iyo aad muhiim u ah oo ay dad badana ka Faaideysteen kana faaidaysan doonaan,marka walaalayaal dadaalkiina siiwada.Mahadsanidiin
2002.04.04 sharmarke United Kingdom	walaalayaal waan idinsalaamey,wax fiican ayaad qabateen ilaahey qeyrkeeda ha idin siiyo.walaalayaal waxaad mooddaa inay yara koobantahay,waxan idin weydiinayaan haddad awooddaan inaad balaarisaan.
2002.03.30 A/rizak Mooge Dheere India	ugu horeyn aad baad u mahad san tihiin websitkan som. ee ad soo diyaariseen.waxaan jeclaan lahaa idikoo sii balaadhiya imika waxaad moodaa inuu kooban yahay.Runtii aad baanu u jeclaysanay hadaanu nahay Dhaliyar wax ka barata India.

Fadlan halkaan ku qor fikraddaada