_
Sawir muujinaya CD-ROM Drive (bidix) iyo saxanka CD-ga (midig)
CD-ROM Drives (Compact Disk-Read Only Memory)
_
Sawir muujinaya CD-ROM
Drive (bidix) iyo saxanka CD-ga (midig)
CD-ROM Drive-ku waa halka kumbiyuutarka laga
geliyo saxanka wareegsan ee loo yaqaan CD-ga ee kumbiyuutarrada
lagu isticmaalo. Ereyga CD-ROM wuxuu u taagan yahay "Compact
disk - Read Only Memory" taasoo muujinaysa samayska iyo
isticmaalka saxanka CD-ga. "Compact Disk"
waxay muujinaysaa in saxanka CD-gu uu samays ahaan yahay mid adag
oo isku cufan oo aan si fudud loo qalloocin karin iyadoo aan
dhibaato loo gaysan. "Read Only Memory" waxay
muujinaysaa in saxanka loogu talagalay in wixii akhbaar ah ee ku
jira laga soo akhristo oo kaliya ee aan wax lagu qori karin.
CD-ROM-ku muddo dheer ayuu sidaa u shqayn jiray oo isticmaalkiisu
uu ku koobnaa oo in wax laga soo akhristo oo kaliya, laakiin
arrintaasi waxay wax weyn iska beddeleen markii ay soo baxeen
noocyada CD-R iyo CD-RW oo ah saxammo loogu talagalay in wax lagu
qoro waxna laga soo akhriyo. Noocyadaas waan ka hadli doonnaa
hadduu rabi idmo.
Marka la eego Windows, CD-ROM Drive-ku ma laha xaraf go'an oo si
joogto ah astaan ugu ah, laakiin waxaa astaan u noqda hadba
xarafka ugu horreeya ee bannaan. Sidaa darteed waxaa laga yaabaa
inaad aragto CD-ROM uu astaan u yahay xarafka D:
iyo mid kale oo uu astaan u yahay xarafka E: ama
F: iwm.
Baaxadda iyo cabbirka CD-ROM-ka
Baaxadda CD-ROM-ka waxaa, sida Hard Disk-ga iyo Floppy Disk-ga, lagu cabbiraa Byte, KB
(kilobyte) iyo MB (megabyte). Haddaad u baahan tahay faahfaahin
dheeraad ah oo ku saabsan cabirradaas iyo waxa ay kala yihiin
fadlan fiiri Casharka
14-aad gaar ahaan qaybta "Baaxadda
Hard Disk-ga".
Saxanka CD-ROM-ka cabbirkiisu (dhexroorka) waa 4.72 inch
(4.72") oo u dhaganta 12 cm, dhumucdiisuna waa 1.2 mm. Xagga
baaxadda waxay CD-ROM-yada caadiga ahi qaadaan 650 MB, waxaase
jira qaar ay baaxaddoodu intaa ka badan tahay oo qaada 750 MB in
kastoo kuwaas isticmaalkoodu uusan badnayn.
Muhiimadda CD-ROM Drive-ka
CD-ROM Drive-ka muddo yar oo sanado ah ayay ku
qaadatay in uu ka mid noqdo qaybaha asaasiga ah ee inta badan
kumbiyuutar kasta la socda. Sidaan ku soo aragnay Casharka 18-aad CD-ROM-ku wuxuu xataa la wareegay inta badan hawlihii
uu Floppy Disk
Drive-ku qaban jiray taasna waxaa
keenay qiimaha CD-ROM-ka oo aad hoos ugu dhacay iyo samayntiisa
oo iyaduna aad fudud. Intaa waxaa sii dheer baaxadda program-yada
kumbiyuutarka la geliyo oo aad sare ugu kacday tasoo keentay in
CD-ROM-ku uu la wareego hawsha program gelinta kumbiyuutarka
(Software Installation). Waayo halkii CD-ROM oo nooca caadiga ahi
wuxuu la qaad yahay qiyaas ahaan 451 Diskette. Tusaale ahaan
program-ka "Windows 98 Second Edition" oo laga
reebay dhammaan waxyaabaha dheeriga ah ee la socda ayaa
baaxaddiisu waxay tahay 120 MB wuxuuna u baahanayaa 84 Diskette.
Si program-kaas oo Diskette-yo ku jira aad kumbiyuutar u geliso
waxaad u baahan tahay inaad 84 Diskette marba mid geliso, taasoo
sida aad garan karto ah arrin aad u adag. Sidaa darteed
shirkadaha program-yada sameeyaa waxay program-yadooda iibiyaan
iyagoo ku jira CD-ROM. Taasi waxay CD-ROM-ka ka dhigtay qayb
asaasi ah oo aad muhiim ugu isticmaalka kumbiyuutarka.
CD-ROM-ka hawlaha loo isticmaalo ka mid ah:
Dhismaha CD-ROM Drive-ka
CD-ROM-ku wuxuu xagga dhismaha asaasiga ah ka shaabahaa Hard Disk-ga iyo Floppy Disk Drive-ka wuxuuse uga duwan yahay habka saxanka akhbaarta loogu qoro iyo habka looga soo akhriyo. Qaybaha uu CD-ROM Drive-ku dhismo ahaan ka kooban yahay waxaa ka mid ah:
Qaybahaas ayaan halkaan mid mid ugu soo qaadan doonnaa.
Sida aad
la socoto CD-ga hal dhinac ayaa akhbaarta looga qoraa,
sidaa darteed CD-ROM Drive-ku wuxuu leeyahay hal Head oo
wax ka soo akhriya dhinaca ay CD-ga akhbaartu uga qoran
tahay. Head-ka CD-ROM Drive-ku wuxuu ka kooban yahay
qaybo la isku dhisay (Assembly) wuxuuna u shaqeeyaa si ka
duwan sida ay u shaqeeyaan kuwa Hard Disk-ga iyo FDD-ka.
Taasna waxaa u sabab ah farsamada uu CD-ROM Drive-ku
adeegsado si CD-ga akhbaar loogu qoro ama looga soo
akhriyo oo ka duwan tan Hard Diska-ga iyo FDD-ka. Si
akhbaar loogu qoro CD-ga waxaa la adeegsadaa ilays
xooggan (laser) oo lagu gubo hadba meesha la rabo in wax
lagu qoro.
Si CD-ga akhbaar looga soo akhriyo waxaa oogada CD-ga
lagu shidaa iftiin lagu toosiyo hadba meesha la rabo in
akhbaarta laga soo akhriyo. Marka uu iftiinkaasi ku dhaco
oogada CD-ga, wuxuu CD-gu dib u soo celiyaa qayb ka mid
ah iftiinkaas. Xaddiga iftiinka ee uu CD-gu soo celiyaa
waxay ku xiran tahay hadba meesha uu iftiinku ku dhaco.
Iftiinka uu CD-gu soo celiyo ayaa waxaa loo rogaa awood
koronto, taasoo loo sii turjumo akhbaartii loo baahnaa.
Head-ka CD-ROM-ku ma taabto oogada CD-ga ee kor ayuu uga
kacsan yahay, maadaama uu CD-ROM Drive-ku adeegsado
iftiin marka uu CD-ga wax ka soo akhrinayo. CD-ga oo
wareeganaya ayuu Head-ku dul socdaa oo uu ilayska ku
shidaa isagoo u soconaya horay iyo gadaal. Wareegga CD-ga
iyo socodka Head-ka ayaa waxay keenayaan in ilaysku uu ku
dhaco hadba meel cusub oo ka mid ah oogada CD-ga.
Head Actuator-ku waa qaybta dhaqaajisa Head-ka oo geysa hadba meesha la rabo in wax lagu qoro ama wax laga soo akhriyo. Head Actuator-ka CD-ROM Drive-ku wuu gaabiyaa marka la garab dhigo Head Actuator-ka Hard Disk-ga, arrintaas waxaan uga hadli doonaa casharrada dambe ee aan uga hadli doono xawaaraha CD-ROM Drive-ka.
Spindle Motor-ku waa qaybta
wareejisa saxanka CD-ga ee markaa ku jira CD-ROM
Drive-ka. Akhbaarta CD-ga ku keydsani waxay ku qoran
tahay wareegyo aanay ishu arki karin oo loo yaqaan
Tracks, sida kaaga muuqata sawirka tusaalaha ah ee hoose:
Sida sawirka kaaga muuqata Track-yadu waxay u kala weyn
yihiin sida ay u kala korreeyaan. Sidaa darteed akhbaarta
ku qorani waxay u kala badan tahay sida ay u kala weyn
yihiin. Haddaba si Head-ku uu akhbaar uga soo akhriyo
Track-ga ugu weyn, wuxuu u baahan yahay wakhti ka badan
inta ay ku qaadato Tracka-ga ugu yar. Taasi waxay keentay
in xawaaraha Spindle-ku uu isla beddelo cabbirka Track-ga
markaas wax laga soo akhrinayo. Mar kasta oo cabbirka
Track-gu uu sii weynaadaba waxaa yaraanaya xawaaraha uu
Spindle-ku ku wareego, si Head-ka loo siiyo wakhti uu
akhbaarta ku soo akhriyo. Nidaamka noocaas ah waxaa loo
yaqaan CLV (Constant Linear Velocity). Ujeeddada
ugu muhiimsan ee nidaamka CLV-gu waa in xaddiga akhbaarta
uu Head-ku soo akhriyo halkii ilbiriqsi (second) ay isku
mid noqoto. Nidaamka CLV-ga waxaa isticmaala laga soo
billaabo CD-ROM-yadii ugu horreeyay ilaa kuwa uu
xawaarahoodu yahay 12X (xawaaraha CD-ROM-ka waan ka hadli
doonnaa).
Marka la eego Hard Disk-ga iyo FDD-ka, Spindle-koodu
wuxuu had iyo jeer ku wareegaa xawaare isku mid ah oo aan
isbeddelin, cabbirka Track-guna wax saamayn ah kuma laha
xawaaraha Spindle-kooda. Nidaamka noocaas ah ee uu ku
shaqeeyo Spindle-ka Hard Disk-ga iyo FDD-ka waxaa loo
yaqaan CAV (Constant Angular Velocity). Nidaamka
CAV-gu wuxuu isaguna xoogga saaraa in xawaaraha
Spindle-ku uu had iyo jeer isku mid ahaado, tasoo
keenaysa in akhbaarta uu Head-ku halkii ilbiriqsi
ku soo akhriyaa ay sii yaraato mar kasta oo cabbirka
Track-gu uu sii weynaadaba.
Markii xawaaraha CD-ROM-ku uu aad kor ugu kacay ayaa
waxaa farsamo ahaan adkaatay in xawaaraha Spindle-ku uu
isla bedbeddelo cabbirka Track-ga, waayo taasi waxay wax
weyn u dhintay xawaaraha guud ee CD-ROM-ka. Sidaa darteed
CD-ROM-yada uu xawaarhoodu yahay 16X iyo wixii ka
dambeeyay waxay qaateen nidaamka CAV (Constant Angular
Velocity) oo ah midka ay Hard Disk-ga iyo FDD-ku
isticmaalaan ee aan kor uga soo hadalnay. Nidaamka CAV-gu
wuxuu keenayaa in CD-gu uu had iyo jeer ku wareego
xawaare isku mid ah, laakiin akhbaarta uu Head-ku soo
akhriyo halkii ilbiriqsi (second) ayaa is bedbeddesha.
Waxaa kale oo jira qaar ka mid ah CD-ROM-yada oo
isticmaala labda nidaam ee CLV iyo CAV oo la isku daray
la iskuna celceliyey.
Casharkaanna halkaas ayaan ku joojinaynaa. Casharka xiga waxaan hadduu rabbi idmo ku soo qaadan doonnaa xawaaraha CD-ROM-ka.
Copyright © 2000 Somali Software. All rights reserved. www.somalisoftware.com
Waxaad tahay akhristihii 6948-aad laga soo bilaabo 2002-04-22
Casharkii Hore | SomaliSoftware.com | Casharka Xiga
| Magaca | Fikradda Akhristaha |
|---|---|
| 2008.11.02 Lowdhako Ireland | Asalaamu caleykum wr wb. salaanta islamka ka dib walaalaha sameeyey website kan aad iyo aad baan uga helanay ugana faa ii deysanay allaah ha idinka abaal mariyo waxtarkaa aad noo soo bandhigteen casharada tirada badan ee qiimaha leh jazaka allaahu kheyran . halkaas ka sii wada. su'ashaydu waxaa aytahay adinko igarali ahanaya walaalayal maxaad ugu sodriwaysen casharada JAVA iyo CISCO oo ad sidaso kale uso tafatirteen? waad kumahad santihiin dhamaan sida aad isugu howsheen casharkaas iyo dhamaan kuwa kale oo aad sowadanba. |
| 2008.08.08 maxamed xaashi Pakistan | walaaliyaal marka hore waad salaaman tihiin dhamamaan bahda somalisoftware salaan kadib walaal waxaan idinka codsanayaa in aad ku soo kordhisaan barnaamijka html language oo faahfaahsan mahad sanidiin |
| 2008.07.18 mohed shakul Bangladesh | waxaan codsan lahaa in lagu soo kordhiyo web-kan faafaahin ku saabsan luuqada c programing, waxaan ahay arday jooga bangladesh,dhaka |
| 2008.07.18 mohed shakul Bangladesh | waxaan codsan lahaa in lagu soo kordhiyo web-kan faafaahin ku saabsan luuqada c programing |
| 2008.06.17 cabdulahi cumar Saudi Arabia | waxaan rabaaa sida loo joojiyo boro garaamada kumbiyuutaraka lashidma mar walbo ee iigu soo gudbi fadlan ii maylan shiirkole@hotmail.com |
| 2007.11.28 Abdikani Ahmed Abdi Malaysia | Background Information I am a 23 year old Systems Engineer from Hayes in London, England. I began programming in late 1994 with BASIC, before progressing rapidly to C and C in early 1995 for DOS application development, then onto 32-bit development under Windows. I moved to RAD with Borland's C Builder (essentially Delphi for C ) in 1998. In 1997 I became involved in Internet technologies, progressing to dynamic, database-driven websites. A combination of industrial experience and my degree has allowed me to work with a variety of technologies and develop software with a range of complexities and characteristics, from medium-sized web-based deployments to real-time control and embedded systems. I believe that more than just technical skill is required in the Computing industry so ensured I would have a basic knowledge of business processes and media concepts, which are vital to make technology work with a business rather than against it. |
| 2007.08.16 Ahmed Somalia | waan idin salaamay waxaan rabaa in aan idin weeydiiyo hadii aad i aqoon dhaan taan --computerkeyga ayaan codba lahaayn markaan rabo inaan dhageysto radio ama heeso ama wax walbo maqal ah markaan shido realply ama mediaply wuxuu ileyahay malahan sound-device ama wax kale ayaad gelisay boskii suond device kagii boskiisi markaa walaal hadaad i dhaantaan iigu soo hagaajiya emailkeyga -kalgacal113@hotmail.com waadna mahad santihiin |
| 2007.06.28 cabdixakiin ali s sancad Somalia | wadmahdsantihiin dhamaan somalisoftware waxaanu leenahy ilaah a inii sii sahlo waxda wayn e aad ugu jirtaan in aqoonta computrka aad uga so dhigteen af soomali |
| 2007.06.28 cabdixakiin ali Somalia | waxan halakn kasalamyaa soamlisoftware oo noo shashay in aan ku barno luuqad yad hooyo compurtka wad mahdsantihiin 100% |
| 2007.06.21 SACIID XUSEEN CABDI MACRUUF Somalia | waa cashar waxtar leh oo aad muhiim u ah waana ku mahad santihiin dadaalkiina waxaan cod sanayaa in aad ku soo dartaan casharo kale oo aad muhiim u ah ku waan waan fahanay |
| 2007.06.04 khalid Norway | waxaan u baahanahy wlaal in aad bal mar ka wax nooga sheegtid connectionka |
| 2007.03.28 buubshe Egypt | ASALAAMU CALEYKUM WARAHAMTULAHI WABARAKATUHU. Waxan hada dhameeyey akhrintii 19kii cashar ee aad uga hadleyseen habka uu u kala qeybsami personal computarku, ma waxbaa ka harsan qorkaalkiina kheyr alaha idin siiyee? |
| 2006.09.18 kacaan United States | salaamu calaykum, bacda salaan waad ku mahadsantiin aqoontaa aad na soo gaadhsiiseen waxaa kaloo loo bahanyey in aad ku dartaa networking hadii la karaayo, sidaa iyo nabad galyo ilaahay haydinka jasaa isiiyo |
| 2006.05.31 AHMED C/SALAAM Somalia | KHEYR ALLAHA IDIINSIIYEE HA KA DAALINA HOWSHA AAD HAYSAAN WELIGIIN EE SII BADIYA |
| 2006.05.27 cabdifataax maxamed cali(arjotiin) Somalia | walaal waxaad iiga jawaabtaa in dhamaan cdga wax lagu qoran karo iyo in kale |
| 2006.04.23 ibrahim Finland | walaal waxaan idin waaydiinlaa su aal ah hadii coputerkaagu is bakhtiiyo 10 kii minute ba mar waa maxay cilada haaysataa ama maxaad igula talinlaaydeeen ?!; waad salaamantiin dhamaantiin bahda somalisoftware sidoo kale waad mahadsantiiin walaal dhakhso iigu soo jawaaba. |
| 2006.04.21 c/rashiid c/raxmaan Somalia | anigu waxaan ka salamaaya bahweyna somali software oo aan uga mahad naqayo sida weyn oo ay uga qayb qaatey dad weynaha uu baahan tecnology ada caalamka aan waxa ba ka la socon ayaan dhihi laha sii wada waad gaadhi doontan |
| 2006.04.07 maxamuud jaamc sahal Somalia | wlaaal yaal waad mahad san tihiin (maxamuud217@hotmail.com)thank u all the people of somalisoftware |
| 2006.03.18 Eng:Mohamed Abdulahi Somalia | Waxaan ka mid ahay arkada sida tooska ah wax ugu barata somalisoftware aad ayaana ugu mahad celin somalisoftware |
| 2006.03.12 xasan cilmi guure Somalia | WWW.wanaag aad nosamayseen run ahaatiihalakn lagama soo koobikaro ilaahbaa idinkaa abaal marinaya laakiin waqtibadan ayaa loobaahanyahay waxaana ookale sida lguqorayo (WEBSITE-kaan) diinta ilaahay iyo waqtiga salaada ogaada yeysan idin mashquulin aduunyo ilay yurub walagu gaalooba lacag iyo aduun balaga fikiraa walaala yaal waad mahad santihiin diintana hadayicinina iantaad aduun kafikiraysaan Wacalykuma salaan waraaxmatulaahi wabarakaatuhu (guure34@hotmail.com) |
| 2006.03.06 maxamed ismaciil xaji Slovenia | SALAAMU CALEYKUM DHAMAAN WALLAALAHA MACAHADA MUDAN. WAAD MAHADSANTIHIIN MEEL WALBA AAD JOOGTAANBA,,, |
| 2006.02.06 abdixakim Somalia | waxaan dhamaan computer set up finished ayuu soo saarayaa markaa hadan waxba ma samayno |
| 2005.08.14 xamse qumane Somalia | walaal waad ku mahadsantihiin hawsha culus ee qabateen ilahay ha idinka abaal mariyo |
| 2005.05.20 c/qaadir axmad muuse Somalia | waxaan rabaa sadax inley kala bixiyo kow farqiga u dhaxeeya cd Rom ka iyo CD R ka iyi DVD ka waa maxay farqiga u dhaxeeya |
| 2005.05.11 diini_sharmarke Somalia | waxaaan umahad naqayaa macalimiinta ku hawlan sida ay dadkooda somaliyeed wax ugu qaban lahaayeen ha noqoto xaga technologiyada ama warbaahinta casriga ahee aan ugu baahanahay baahiyaha wax ogaaneed ee inagu wajahan haddaan nahay dad wax badan ay ka maqan yihiin,. kadar, kadaryaani22@yahoo.com |
| 2005.03.07 kadar aidid idan(indhadoon) Somalia | walaalayaal marka hore ilahay baa mahad leh oo idiin sahlay hirgelinta hawshan culus, walaalayaal waan idiin hambalyeynayaa ilahayna ha idinka abaal mariyo wax tarkaa aad dadkina u qabateen waxaan waxaan idin odhan lahaa hadii aad karaysaan sida looga shubo luguna shubo programmar_yada computerka |
| 2005.01.30 cabdirisaaq maxamed cali Somalia | marka hore waxaan idiin soo dirayaa salaan qiimo iyo qaayo badan waxaanan idinleeyahay allah ha idinka abaalmariyo casharada qiimaha leh ee aad noo soo fududayseen waxaan kaloo u baahnayn xadhkaha cableska iyo sida ay meelaha u kala galayaan |
| 2004.11.29 khadar Somalia | Aad ayay u wanaagsantahay in aad diyaarisaan program kan waxaana laga faa iidi doonaa waxyaalo fara badan khayr ilaahay ha idin siiyo |
| 2004.11.28 ahmed osman dhoore Somalia | ugu horaan waan idin salaamay salaan ka dib waxaan idinka codsanayaa in aad sii wadiin dadaalkiina aan u wadiin dhalin yarada soomaaliyadeed ee aan heysan la cag ey iskaga dhiibaan qarashkii ey ku baran lahaa yeen computer ka qeybihiisa |
| 2004.11.11 abdikadir abdi Somalia | waan idin salaamay marka hore marka xiga waxaad ku mahadsantihiin progaramkan muhiimka ah waxaan kufaraxsanahay inaan kala socdo barnaamijyadn computerka waxaan idinka codsaneynaa inaad kudartaan networkingka bybybyyyyyyyyyyyyy |
| 2004.10.25 cabdicasiis guhaad xasan Somalia | walaalo yaal waxaan idin ku salaamayaa 114 qur,aan kaa walaalo salaan kadib walaalo yaal aad iyo aad baad ugu mahad san tihiin program kan aad aad isugu tax luu jiseen markaas walaalo yaal waanu idin ku mahad celinay naa anagoo ah khadar cawil xasan igu cabdicasiis guhaad xasan oo ku magac dheer shegow |
| 2004.10.02 maxamed siciid cubay Paraguay | war waxaad qor teen waxaba kama jiraan waxsax ah soo qora iska hubi Email qadari70@hotmail.com |
| 2004.07.17 injineer shawaal Somalia | sd ga waa wax dhib badan aad iyo aad ayuuna u anfac badan yahay |
| 2004.06.09 qanduureshe Australia | taasi wa fikrad wanaga san |
| 2003.07.17 maxamed dalnuuriye Somalia | in the name of allah the most compassionate the most merciful, iam here by suggesting that iam very much interested to now much more about how to to instal with an empty computer |
| 2003.06.19 mowliid cabdilahi Somalia | waad salaamantihiin, waxaan odhan lahaa maa lagu daro sida loogu shubo kumbuyuutarka (programe). waad salaamatihiin |
| 2003.06.19 mohamed abdi Somalia | waxaan jeclaan lahayn inaad ereyada keyboark ee lasoo gaabiyay aad noo soo qortaan |
| 2003.02.28 rooble Somalia | macquul ma ahaan arintaan ee wax halaga badlo |
| 2003.02.18 cabdiqafaar cali cabdi Somalia | walaal marka hore salaamu calaykum waramatulaahi wabarakaatu walaal aad iyo aad ayaad ugu mahasatihiin sida aad isugu hawsheen inaad dadkiina wax wayn u tartaan ilaahayna haydinka ajarsiiyo aakhiro aduunyadab. aamiin |
| 2002.11.16 abdulkadir farah doodi Ethiopia | waxaan aad idiinka hanbalyeynaayaa sida wanaag san ee aad aad uqabateen howshan wanaagsan ee aad qabateen ilaahayna ha idinka abaal mariyointiini ka qayb qadatay oo dhan |
| 2002.10.31 abdikani Somalia | salaamu calaykum, bacda salaan waad ku mahadsantiin aqoontaa aad na soo gaadhsiiseen waxaa kaloo loo bahanyey in aad ku dartaa networking hadii la karaayo, sidaa iyo nabad galyo ilaahay haydinka jasaa isiiyo |
| 2002.04.29 ABDURAHMAN ALI GELLE United States | ASALAAMU CALEYKUM WARAHAMTULAHI WABARAKATUHU. Waxan hada dhameeyey akhrintii 19kii cashar ee aad uga hadleyseen habka uu u kala qeybsami personal computarku, ma waxbaa ka harsan qorkaalkiina kheyr alaha idin siiyee? |
Fadlan halkaan ku qor fikraddaada